- वि.सं २०८० जेठ १४ आइतबार
कञ्चनपुरमा बाघको आक्रमणमा परी एक महिलाको मृत्यु भएको छ। पुनर्वास नगरपालिका– १० मदनटोल सार्की गाउँकी कलशा सार्कीको मृत्यु भएको हो।
शुक्रबार बिहान नेपाल–भारत सीमाक्षेत्रमा पर्ने दुधुवा नेसनल पार्कमा मेलापात गर्न गएकी ३२ वर्षीया कलशाको मृत्यु भएको हो।
पुनर्वास नगरपालिका– १० का वडाध्यक्ष शुकदेव रानाले बाघको आक्रमणमा परेर कलशाको घटनास्थलमै मृत्यु भएको जानकारी दिए।
अहिले घटनास्थलमा दुवै देशका वनका अधिकारी तथा सुरक्षाकर्मी पुगेका छन्। शव घटनास्थलबाट उठाउने तयारी भइरहेको छ।
