जातीय भेदभाव मुद्दाका फरार दोषी जेल चलान

Read Time : < 1 मिनेट

दीपक भट्ट, रामेछाप

नयाँ पत्रिका

२o८१ बैशाख २३ आइतबार १३:४२:oo

अदालतले तीन वर्ष जेल सजायको फैसला सुनाएपछि फरार रहेका एक व्यक्तिलाई रामेछाप प्रहरीले पक्राउ गरी जेल चलान गरेको छ । शरीर बन्धक र जातीय भेदभावसम्बन्धी मुद्दामा तीन वर्ष जेल सजायको फैसला भएपछि फरार रहेका मन्थली नगरपालिका– ६ का शेरबहादुर नगरकोटीलाई प्रहरीले बिहीबार जेल चलान गरेको हो ।

रामेछाप जिल्ला अदालतले गत भदौ २९ गते नगरकोटीलाई अपहरण तथा शरीर बन्धक मुद्दामा तीन वर्ष पाँच महिना आठ दिन कैद र २५ हजार जरिवाना तथा जातीय छुवाछुत मुद्दामा ११ महिना आठ दिन कैद र ७५ हजार रुपैयाँ जरिवानाको फैसला गरेको थियो । अदालतको फैसलासँगै उनी फरार रहेका थिए ।

नगरकोटीलाई आफ्नै घरमा लुकिछिपी बसेको अवस्थामा पक्राउ गरी जिल्ला कारागार रामेछाप पठइएको जिल्ला प्रहरी कार्यालय रामेछापका प्रहरी नायब उपरीक्षक होमबहादुर पराजुलीले जानकारी दिए ।

#जेल चलान