मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ माघ २० शुक्रबार
  • Friday, 03 February, 2023
रासस धादिङ
२०७९ माघ ११ बुधबार १३:०८:००
Read Time : < 1 मिनेट
समाचार डिजिटल संस्करण

३४ किलो चरेससहित धादिङबाट एकजना पक्राउ

Read Time : < 1 मिनेट
रासस, धादिङ
२०७९ माघ ११ बुधबार १३:०८:००

धादिङको गल्छी गाउँपालिका– ८ बाट ३४ किलो पाँच सय ग्राम चरेससहित एकजनालाई प्रहरीले नियन्त्रणमा लिएको छ । बुधबार बिहान धादिङ गजुरी गाउँपालिका– ८ किरानचोकका ३२ वर्षीय वीरबहादुर तामाङलाई पृथ्वी राजमार्गको सुत्केरीढुंगाबाट प्रहरीले नियन्त्रणमा लिएको हो ।

कोटेश्वरबाट आएको प्रहरी टोलीले लुकाएर राखेको ठाउँबाट चरेस फेला पारेको र तामाङलाई नियन्त्रणमा लिएको जिल्ला प्रहरी कार्यालय धादिङका प्रहरी नायब उपरीक्षक श्यामबहादुर खत्रीले जानकारी दिए । गत सोमबार पनि धादिङको थाँक्रे गाउँपालिका– २ समटारबाट आठ किलो पाँच सय ग्राम चरेससहित मकवानपुरको थाहा नगरपालिका– ८ की लक्ष्मी पुरीलाई प्रहरीले नियन्त्रणमा लिएको थियो ।

माहदेवबेँसी–पालुङ भित्री सडकखण्डमा यात्रुबाहक बसमा जाँचको क्रममा नियन्त्रणमा परेका पुरीको धादिङ जिल्ला अदालतबाट १० दिन म्याद थप भई अनुसन्धान भइरहेको प्रहरी नायब उपरीक्षक खत्रीले जानकारी दिए ।