- वि.सं २o८३ भदौ १७ बुधबार
प्रधानमन्त्री दैवीप्रकोप उद्धार कोषबाट एक अर्ब रुपैयाँ तत्कालै बाढी प्रभावित क्षेत्रमा पठाइने भएको छ । मंगलबार उक्त कोष सञ्चालन समितिको बैठकमार्फत एक अर्ब रुपैयाँ तत्काल परिचालन गर्ने निर्णय गरिएको हो ।
राष्ट्रिय योजना आयोगका उपाध्यक्ष एवं कोष सञ्चालन समितिका संयोजक डा. गुणाकर भट्टले मंगलबार बसेको कोषको बैठकले एक अर्ब रुपैयाँ गृहसचिवको नेतृत्वमार्फत परिचालन हुने गरी निकासा गरिएको जानकारी दिए ।
विपत् जोखिम न्यूनीकरण तथा व्यवस्थापन ऐन, २०७४ को दफा २२ बमोजिम विपत् व्यवस्थापन कोषमा गृहसचिवले व्यवस्थापन गर्नुहुन्छ । प्रधानमन्त्री दैवीप्रकोप राहत उद्धार कोषको नाममा एभरेस्ट बैंकको खातामा रहेको मौज्दातबाट एक अर्ब रुपैयाँ कोषमा पठाइएको हो ।
