ललितपुर नख्खुका सुबोधकुमार यादव नेपालीले लिभोनले आयोजना गरेको सिल्की हेयर एन्ड स्मुथ राइड प्रतियोगिताको मासिक ड्रको विजेता बनेका छन् । भाटभटेनीमा लिभोनका समान किन्दा पाएको कुपनबाट उनले यामाहा फेसिनो १२५ एफआई मोटरसाइकल जितेका हुन् ।
मिस नेपाल अनुष्का श्रेष्ठले तानेको ड्रमा यादवले पाएको कुपन नम्बर २०७ निस्किएको कम्पनीले जनाएको छ । यससँगै अन्य १० जना विजेताले विभिन्न गिफ्ट ह्याम्पर प्राप्त गरेको जनाइएको छ ।
भाटभटेनी सुपरमार्केटले लिभोनको साथमा मिलेर उक्त योजना सञ्चालन गरेको जनाइएको छ । योजनाअन्तर्गत भाटभटेनी सुपरमार्केटबाट लिभोनका उत्पादनहरू खरिद गर्ने एकजना भाग्यशाली उपभोक्ताले प्रत्येक महिना यामाहा फेसिनो बाइक जित्ने अवसरका लागि एउटा कुपन प्रदान गरिने व्यवस्था गरिएको कम्पनीले जनाएको छ ।
यो उपभोक्ता योजना अर्काे १ महिनासम्म जारी रहने र लिभोन तथा भाटभटेनी दुवै संस्थाले बाँकी अवधिमा प्रतियोगिता सञ्चालनको दौरान सुरक्षाका सबै मापदण्डहरू अवलम्बन गरिने प्रतिबद्धता व्यक्त गरेको छ । लिभोनले केश स्याहारको दायरामा विविध उत्पादनहरू निर्माण गर्न सफल भएको दाबी गरेको छ । प्रि–वास क्रिम आयल, इन–वास स्याम्पु, कन्डिसनर र पोस्ट–वास सिरमजस्ता विभिन्न प्रकारका उत्पादनहरू बजारमा उपलब्ध गराएको जनाइएको छ ।
