- वि.सं २o७९ कार्तिक ४ शुक्रबार
सर्लाहीको चन्द्रनगर गाउँपालिकामा वडास्तरमै सामाजिक सुरक्षा भत्ता वितरण सुरु भएको छ। बिहीबार वडा नम्बर ४ पोखरीयाबाट एनआइसी एसिया बयलबास ब्रान्चले ज्येष्ठ नागरिक, विधवा, दलित ज्येष्ठ नागरिक तथा अशक्त र पूर्ण अपांगलाई सामाजिक सुरक्षा भत्ता दिन सुरु गरिएको एनआइसी एसिया बयलबास ब्रान्चका म्यानेजर मनीषप्रताप साहले जानकारी दिए।
गाउँपालिका अध्यक्ष राजकुमार महतोले प्रतिबद्धता गरेअनुरूप वडा-वडामा नै भत्ता दिन सुरु गरिएको हो। चन्द्रनगर गाउँपालिका पञ्जीकरण शाखाको आयोजना तथा गाउँपालिका अध्यक्ष महतोको अध्यक्षतामा वडास्तरमा सामाजिक सुरक्षा भत्ता प्रदान शुभारम्भ समारोहको उद्घाटन गाउँपालिका अध्यक्ष महतोले गरे।
