प्रदेश १ को नाम ‘किराँत प्रदेश’ राख्न माग गर्दै आन्दोलन

Read Time : < 1 मिनेट

नयाँ पत्रिका, संखुवासभा

नयाँ पत्रिका

२o८१ बैशाख २३ आइतबार o८:o८:oo

प्रदेश १ को नाम ‘किराँत प्रदेश’ राख्न माग गर्दै संखुवासभामा आन्दोलन सुरु भएको छ । शुक्रबार सदरमुकाम खाँदबारीमा आदिवासी किराँत महासंघ र किराँत प्रदेश स्वायत्त संघर्ष समितिले प्रदेश १ को नाम ‘किराँत प्रदेश’ राखिनुपर्ने माग गर्दै आन्दोलन गरेको हो ।

सदरमुकाम खाँदबारीमा प्लेकार्डसहित नाराजुलुसमा निस्किएका किराँत समुदायले प्रदेशको नामकरण गर्दा ‘किराँत प्रदेश’ नै राखिनुपर्ने भन्दै जिल्ला समन्वय समितिका प्रमुख सुमन शाक्यलाई ज्ञापनपत्रसमेत बुझाए ।

उनीहरूले प्रदेश १ मा किराँतीहरूको आदिमकालदेखि बसोवास रहेकाले किराँत प्रदेश नै नामकरण हुनुपर्ने स्थानीय अगुवा गणेश मेवाहाङले बताए । उनले ज्ञापनपत्र जिसस प्रमुख शाक्यलाई हस्तान्तरण गरेका थिए ।

#प्रदेश १