सवारी दुर्घटना कम हुने गरी निर्देशन जारी गर्न प्रधानमन्त्रीलाई डिला संग्रौलाको आग्रह 

प्रतिनिधिसभा सदस्य डा. डिला संग्रौला पन्तले वर्षायाममा हुने सवारी दुर्घटना कम हुने गरी निर्देशन जारी गर्न प्रधानमन्त्रीलाई अनुरोध गरेकी छिन् । प्रतिनिधिसभाको बुधबारको बैठकमा शून्य समयमा बोल्दै प्रतिनिधिसभा सदस्य पन्तले वर्षायामको सुरुवातदेखि दसैँ, तिहारसम्ममा धेरै सवारी दुर्घटना हुने भन्दै यसतर्फ सरकारको ध्यानाकर्षण गराएकी हुन् ।

उनले सवारी दुर्घटना न्यूनीकरणका लागि संघ वा प्रदेश सरकार कसको जिम्मेवारी हो भन्ने प्रश्न पनि गरिन् । उनले सम्बन्धित निकायले दुर्घटना कम हुने गरी काम गर्न निर्देशन जारी गर्न प्रधानमन्त्रीलाई आग्रह गरिन्