- वि.सं २o८१ बैशाख २५ मंगलबार
पत्रकारिता छाडेर राजनीतिमा लागेका रवि लामिछानेले राष्ट्रिय स्वतन्त्र पार्टी नामको राजनीतिक दल गठन गरेका छन् । काठमाडौंको राष्ट्रिय सभागृहमा मंगलबार एक कार्यक्रम गरेर उनले दल घोषणा गरेका हुन् ।
आसन्न प्रदेश र प्रतिनिधिसभाको निर्वाचनलाई मध्यनजर गर्दै लामिछानेले आफ्नो नेतृत्वमा नयाँ राजनीतिक पार्टी गठन गरेका हुन् । देशभरबाट समानुपातिक भोट संकलन गर्न दल खोल्नुपरेको लामिछानेले जिकिर गरे ।
पार्टी घोषणा कार्यक्रममा उनले आफू व्यवस्था बदल्न नभई नागरिकको अवस्था बदल्न राजनीतिमा आएको दाबी गरे । आफू ठूलो काम गर्न नभई आममान्छेका स–साना समस्या समाधान गर्न राजनीतिमा लागेको पनि उनले दाबी गरे ।
