निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ २ बिहीबार
  • Thursday, 18 August, 2022
२०७९ असार ६ सोमबार १७:३९:००
Read Time : < 1 मिनेट
समाचार डिजिटल संस्करण

ललितपुर महानगरले आठवटा विद्युतीय बस खरिद गर्ने

Read Time : < 1 मिनेट
२०७९ असार ६ सोमबार १७:३९:००

ललितपुर महानगरपालिकाले आठवटा विद्युतीय बस खरिद गर्ने भएको छ। ललितपुर महानगर प्रहरीले सोमबार आयोजना गरेको कार्यक्रममा महानगरका मेयर चिरिबाबु महर्जनले आठवटा विद्युतीय बस खरिदको योजनाअघि सारेको बताए।

उनका अनुसार चारवटा बस तत्काल खरिद गर्ने तयारी भएको र बाँकी चारवटा केही समयपछि खरिद गरिनेछ। पाटनको महाबौद्ध, लगनखेल, कुमारीपाटी, जावलाखेल, पुल्चोकलगायतका रुटमा ती बस चल्नेछन्।

 ‘यी बस विशेषतः पर्यटकीय रुटमा गुड्नेछन्। यद्यपि पर्यटकबाहेक अन्य यात्रु पनि ती बसमा चढ्न पाउनेछन्,’ उनले भने, ‘यसबाहेक नगरले खरिद गर्ने सबै सवारीसाधन विद्युतीय हुनेछन्।’

महानगरले मुख्यमुख्य सडकमा बत्ती र सिसिक्यामेरा जडान गरिरहेको पनि उनले जानकारी दिए। उनका अनुसार महानगरले ट्राफिक व्यवस्थापनमा नगर प्रहरीसमेत परिचालन सुरु गरेको छ।