निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १६ बिहीबार
  • Thursday, 30 June, 2022
नयाँ पत्रिका काठमाडाैं
२०७९ जेठ ११ बुधबार १२:११:००
Read Time : < 1 मिनेट
मुख्य समाचार डिजिटल संस्करण

विजयी र्‍यालीका लागि काठमाडौं आउने दुःख नगर्न शुभचिन्तकलाई बालेनको अनुरोध  

Read Time : < 1 मिनेट
नयाँ पत्रिका, काठमाडाैं
२०७९ जेठ ११ बुधबार १२:११:००

काठमाडौं महानगरपालिकाको मेयर बन्ने निश्चित भएपछि स्वतन्त्र उम्मेदवार बालेन साहले निर्वाचित भएको खुसियालीमा मनाइने विजयी उत्सवलाई सामान्य तवरले मनाउन आग्रह गरेका छन्।

सामाजिक सञ्जाल फेसबुकमा एक स्टाटस लेख्दै उनले ठाउँठाउँबाट र्‍यालीका लागि काठमाडाैं आउने कुराहरू सुनिरहेको बताउँदै कोही पनि र्‍यालीका लागि काठमाडौं आउने दुःख नगर्न अनुरोध गरेका छन्। ‘यो अभियान सबैको हो,’ उनले लेखेका छन्, ‘यसको स्वामित्व हरेक नेपालीले जहाँबाट जसरी पनि लिइदिए हामी खुसी हुनेछौँ, अभियानको अहिलेसम्मको सफलताका लागि खुसियाली प्रकट गर्ने नै हो भने पनि तपाईं रहेकै क्षेत्रमा धन्यवाद र्‍याली गर्नुहोला।’

उनले अबको पहिलो यात्रा काठमाडौंको मुहार फेर्नलाई हुने बताएका छन्। हाल काठमाडौं महानगरपालिकाको मतगणना अन्तिम चरणमा पुगेको छ। करिब २२ हजार मत गन्न बाँकी छ।