अबको पाँच वर्ष एक सेकेन्ड पनि खेर फाल्दिनँ : रेनु दाहाल

Read Time : < 1 मिनेट

नयाँ पत्रिका, चितवन

नयाँ पत्रिका

२o८१ बैशाख २१ शुक्रबार ११:४२:oo

भरतपुर महानगरपालिकाकी नवनिर्वाचित मेयर रेनु दाहालले अबको पाँच वर्ष एक सेकेन्ड पनि खेर नफाल्ने प्रतिबद्धता जनाएकी छिन् । मंगलबार दोस्रो कार्यकालका लागि मेयरमा निर्वाचित भइसकेपछि पत्रकारहरूलाई संक्षिप्त प्रतिक्रिया दिँदै दाहालले विगतका अधुरा काम पूरा गर्न जनताले अभिमतमार्फत आफूलाई जिम्मेवारी सुम्पिएकाले जनतालाई निराश नबनाउने गरी काम गर्ने प्रतिबद्धता जनाइन् ।

उनले विपक्षीको निशानालाई तोड्दै आममतदाताले गरेको विश्वासलाई भरोसायोग्य काम गरेर देखाउने बताइन् । उनले विगतका पाँच वर्षमा भरतपुरवासीका समस्या, आवश्यकता र जनभावना बुझेको र त्यो जनभावनाअनुसार काम गरेर भरतपुरलाई हेर्न लायक र गर्व गर्न लायक महानगरपालिका बनाउन कुनै कसुर बाँकी नराख्ने बताइन् ।

#रेनु दाहाल