मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
२०७९ बैशाख १५ बिहीबार ०८:४४:००
Read Time : < 1 मिनेट
अर्थ प्रिन्ट संस्करण

आज गौतमबुद्ध अन्तर्राष्ट्रिय विमानस्थलमा अप्रेसन फ्लाइट

Read Time : < 1 मिनेट
२०७९ बैशाख १५ बिहीबार ०८:४४:००

नेपाल वायुसेवा निगमको वाइडबडी जहाजले बिहीबार गौतमबुद्ध अन्तर्राष्ट्रिय विमानस्थलमा अप्रेसन फ्लाइट उडान गर्ने भएको छ । बिहीबार दिउँसो ३ बजे काठमाडाैंबाट संस्कृति, पर्यटन तथा नागरिक उड्डयनमन्त्री प्रेमबहादुर आलेसहित उच्च पदस्थ अधिकारीहरू लिएर निगमको वाइडबडी जहाजले अप्रेसन फ्लाइट गर्ने गौतमबुद्ध अन्तर्राष्ट्रिय विमानस्थलका महाप्रबन्धक गोविन्दप्रसाद दाहालले बताए ।

दिउँसो ३ बजे काठमाडौंबाट उडेको जहाज ३ः४५ मा गौतमबुद्ध अन्तर्राष्टिय विमानस्थलमा अवतरण गर्ने तालिका छ । विमानमा पर्यटनमन्त्री, पर्यटनसचिव सञ्चारकर्मीलगायत दुई सय ६० जना रहनेछन् । विमानस्थलमा अवतरणपछि अवलोकन कार्यक्रम रहेको छ । साँझ ५:४५ मा विमान काठमाडाैं फर्किने कार्यक्रम तय भएको दाहालले बताए । निगमको ३:३० एयरबसले परीक्षण उडान गर्नेछ । थाइल्यान्डको एरो थाई कम्पनीले फागुन ६ गतेदेखि १० दिनसम्म यान्त्रिक परीक्षण उडान गरेको थियो । 

जजिरा एयलाइन्सले २ जेठदेखि साताको तीन दिन कुवेतबाट भैरहवा उडान गर्ने गरी अनुमति लिइसकेको छ । तीन वर्षमा निर्माण सम्पन्न गर्ने गरी २०७१ सालमा शिलान्यास गरिएको विमानस्थल निर्माण सम्पन्न भएको हो ।