नेकपा एकीकृत समाजवादी मकवानपुरका अध्यक्ष श्रीधरकुमार पोखरेलसहितका नेताहरूले राजीनामा दिएका छन्। हेटौँडामा पत्रकार सम्मेलन गर्दै पोखरेल, जिल्ला सचिवालय सदस्य देवेन्द्र कोइराला, उत्तम शर्मा, वीरेन्द्र जिसी र गोपालबहादुर स्याङ्तानले राजीनामा दिएका हुन्।
गठबन्धनका नाममा भइरहेका गतिविधिले नेपालको कम्युनिस्ट आन्दोलनलाई कमजोर बनाउने उनीहरूले बताएका छन्। आठ महिनाअघि एमालेबाट गरिएको विद्रोह केवल कसैको कुण्ठा र केही व्यक्तिको छिट्टै अवसर प्राप्तिको महत्वाकांक्षा र पद प्राप्तिको चरम इच्छा र सोच मात्र रहेको उनीहरूले बताएका छन्। यो विद्रोहले पार्टी निर्माण हुन नसक्ने उनीहरूको दाबी छ।
निर्वाचनपछि देशभर पार्टी कमजोर हुने र नेपालको कम्युनिस्ट आन्दोलनसमेत क्षतविक्षत हुने ठहरका साथ पार्टी परित्याग गरेको विज्ञप्तिमा जानाएका छन्।