मुख्य समाचार डिजिटल संस्करण

कांग्रेस प्रदेश नं २ उपसभापतिमा वीरेन्द्र सिंह र चन्द्रशेखर यादव विजयी 

कांग्रेस प्रदेश नं २ को उपसभापतिमा वीरेन्द्रप्रसाद सिंह र चन्द्रशेखर यादव विजयी भएका छन् । आज बिहान सम्पन्न मतपरिणामअनुसार  सिंहले एक हजार १९ र  यादवले ८९५ मत ल्याएर विजयी भएका हुन् । निकटतम प्रतिस्पर्धी विनोदकुमार खनालले ७४० र धनलाल ठोकरले ६३६ मत प्राप्त गरेको निर्वाचन समितिले जनाएको छ ।

महामन्त्रीमा उपेन्द्रकुमार यादव ९५९ र वृहस्पतिकृष्ण श्रेष्ठ ७८८ मत प्राप्त गरी निर्वाचित भए भने निकटम प्रतिद्वन्द्वी नरेश यादवले ७७५ र हरेशप्रसाद महतोले ७०३ मत ल्याए । सहमहामन्त्रीमा जयनारायण यादव ८७९ र परशुराम चौधरीले ८२२ मत ल्याएर निर्वाचित भएका छन्  भने निकटम प्रतिस्पर्धी विनोदकुमार यादव ६९१ र नारायण चौधरीले ६०१ मत प्राप्त गरेको निर्वाचन समितिले जनाएको छ ।

सहमहामन्त्री महिलातर्फ बिन्दुकुमारी यादव ८८९ मत ल्याएर विजयी भइन्  भने  निकटतम प्रतिद्वन्द्वी भिमादेवी शर्माले ५३२ मत प्राप्त गरिन् । यसअघि हिजो नै प्रदेश २ को सभापतिमा कृष्ण यादव निर्वाचित भइसकेका छन् । यादव ९९६ मत प्राप्त गरी प्रदेश सभापतिमा निर्वाचित भएका हुन् भने निकटम प्रतिस्पर्धी रामसरोज यादवले ८५५ मत प्राप्त गरेका थिए ।

प्रदेश समितिका सदस्य पदको मतगणना जारी 

प्रदेश समितिका सदस्य पदको मतगणना भइरहेको निर्वाचित समितिका संयोजक प्रह्लाद गौतमले जानकारी दिए । जम्मा ६७ पदका लागि गत बिहीबार बिहान १० बजेदेखि राति ८ बजेसम्म भएको मतदानमा कुल एक हजार ९५१ मतदाता मध्ये एक हजार ८८१ ले मतदान गरेका थिए ।