निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ १ बुधबार
  • Wednesday, 17 August, 2022
दीपक अधिकारी काठमाडौं
२०७८ मङ्सिर १२ आइतबार १७:११:००
Read Time : < 1 मिनेट
समाचार डिजिटल संस्करण

नाम्खामा खाद्यान्न ढुवानीका लागि सेनाले पठायो हेलिकोप्टर

Read Time : < 1 मिनेट
दीपक अधिकारी, काठमाडौं
२०७८ मङ्सिर १२ आइतबार १७:११:००

हुम्लाको नाम्खा गाउँपालिका– ६ लिमी क्षेत्रमा खाद्यान्न ढुवानीका लागि नेपाली सेनाले हेलिकोप्टर पठाएको छ। आइतबार दिउँसो नेपाली सेनाको एमआई– १७ हेलिकोप्टर त्यसतर्फ लागेको हो।

गृह मन्त्रालको अनुरोधपछि हेलिकोप्टर पठाइएको नेपाली सेनाका प्रवक्ता सन्तोषबल्लभ पौडेलले जानकारी दिए। उनका अनुसार उक्त हेलिकोप्टर आज बिहान सुर्खेत हुँदै हुम्ला सदरमुकाम सिमकोट पुगेको हो। मौसम प्रतिकूल रहेकोले आज ढुवानी गर्न नसकिएको प्रवक्ता पौडेलले बताए। सोमबार बिहानदेखि उक्त हेलिकोप्टरले खाद्यान्न ढुवानी थाल्नेछ। लिमी र खाद्यान्न अभाव भएका अन्य विकट क्षेत्रमा खाद्यान्न ढुवानी गरेर हेलिकोप्टर फर्किने नेपाली सेनाले जनाएको छ।
 
लिमी क्षेत्रमा खाद्यान्न समस्या परेपछि गत सोमबार नाम्खा– ६ का वडाध्यक्ष पाल्जोर तामाङ र संघीय सांसद छक्कबहादुर लामा हेलिकोप्टर उपलब्ध गराइदिन अनुरोध गर्न काठमाडौं आएका थिए। उनीहरुले सदरमुकाम सिमिकोटमा पनि खाद्यान्न लैजान माग गरेका थिए। सरकारले शनिबारदेखि नै अन्य ठाउँबाट सिमिकोट क्षेत्रमा खाद्यान्न पुर्‍याउन सुरु गरेको छ। सबैजसो ठाउँमा खाद्यान्न पुर्‍याइने गृह मन्त्रालयका प्रवक्ता फणिन्द्रमणि पोखरेलले जानकारी दिए।