महाशिवरात्रि तथा सेना दिवसको पूर्वसन्ध्यामा नेपाली सेनाले बुधबारदेखि तीनदिवसीय ‘पृतनापति समन्वयात्मक बैठक २०७७’ गर्ने भएको छ । सेनाले हरेक महाशिवरात्रिपूर्व पृतनापति सम्मेलन आयोजना गर्दै आएको छ ।
जंगी अड्डाका अनुसार पृतनापतिहरूले आफ्नो जिम्मेवारी क्षेत्रमा सुरक्षाको वर्तमान वस्तुस्थिति प्रतिवेदन पेस गर्नेछन् ।
जंगी अड्डाका महानिर्देशनालय र विभागीय प्रमुखहरूबाट आन्तरिक सुदृढीकरणको क्षेत्रमा भए–गरेका कार्यहरूबारे प्रस्तुतीकरण एवं छलफल हुने कार्यक्रम रहेको जंगी अड्डाले मंगलबार विज्ञप्तिमा जनाएको छ ।