बारा र पर्सामा थप १८ जनामा कोरोना संक्रमण

Read Time : < 1 मिनेट

तिवारी यादव, वीरगन्ज

नयाँ पत्रिका

२o८१ बैशाख २६ बुधबार १२:३३:oo

बारा र पर्सामा फेरि थप १८ जनामा कोरोना संक्रमण पुष्टि भएको छ ।

नारायणी अस्पतालको प्रयोगशालामा शुक्रबार राति गरिएको परीक्षणमा विभिन्न ठाउँका १८ जना संक्रमित थपिएको नारायणी अस्पतालका प्रवक्ता डाक्टर अतुलेश चौरसियाले जानकारी दिए ।

उनका अनुसार १८ जना संक्रमितमध्ये पर्साका ६ जना र बाराका १२ जना रहेका छन्।

जसमा पर्साको पर्सागढी नगरपालिका र नबिल बैंक वीरगन्ज शाखाका तीन कर्मचारीमा कोरोना पुष्टि भएको छ ।

यस्तै जितपुर सैनिक ब्यारेकका तीन सैनिक, जिल्ला प्रहरी कार्यालय बाराका तीन प्रहरी र सिम्रौनगढ नगरपालिकाका ६ जना गरी कुल १२ जनामा कोरोना पुष्टि भएको हो ।

#बारा # पर्सा # कोरोना