Read Time : < 1 मिनेट
२०७६ मङ्सिर ९ सोमबार १४:४३:००
डोल्पाको त्रिपुरासुन्दरी नगरपालिकाको ३१ वटै विद्यालयमा २२ मंसिरदेखि वार्षिक परीक्षा सञ्चालन हुने नगरपालिकाले जनाएको छ ।
२२ गतेदेखि परीक्षा सुरु भएर पुष दोस्रो सातासम्म नतिजा प्रकाशन हुने र करिब ४५ दिनकालागि विद्यालय बन्द हुने नगर शिक्षा प्रमुख भिमबहादुर धरालाले जानकारी दिए ।
वार्षीक परीक्षामा १ देखि १० कक्षासम्मका ४२ सय विद्यार्थीहरु सहभागि हुनेछन् ।
अन्य जिल्लाहरुमा बैशाखमा नयाँ शैक्षिक सत्र सुरु भएर चैत्रमा सकिने भएपनि डोल्पामा भने फागुनमै नयाँ शैक्षिक सत्र सुरु भएर पुष दोस्रो हप्तामा सकिने गर्दछ ।
