Read Time : < 1 मिनेट
२०७७ कार्तिक २४ सोमबार १६:२५:००
सल्यानको शारदा नगरपालिका– १ शीतलपाटीस्थित शिवजन माविमा सञ्चालित कक्षा ११ को वार्षिक परीक्षा स्थगित भएको छ ।
कात्तिक २१ गतेदेखि सुरु भएको कक्षा ११ को परीक्षा दुई दिन सञ्चालन भएपछि अर्को सूचना प्रकाशन नहुँदासम्मका लागि स्थगित गरिएको प्रधानाध्यापक हिरालाल नेपालीले बताए ।
शारदा नगरपालिकाको– १ ले २३ कात्तिकदेखि श्रीनगरलगायत आसपासका क्षेत्र सिल गरेपछि परीक्षा स्थगित भएको हो ।
परीक्षासँगै विद्यालयमा भइरहेको पढाइ पनि बन्द गरिएको विद्यालयले जनाएको छ ।
अहिले सल्यानमा केही विद्यालयले कक्षा ११ को परीक्षा सञ्चालन गरिरहेका छन् । केही विद्यालयले आन्तरिक मूल्यांकनका आधारमा नतिजा दिने तयारी गरेका छन् ।