- वि.सं Invalid date format
मुलुकका अन्य भन्सारका तुलनामा वीरगन्ज भन्सार कार्यालयबाट निर्यात बढेको छ। यहाँ एकीकृत जाँचचौकी र सुक्खा बन्दरगाह भएकाले देशका अन्य २६ स्थानका भन्सार कार्यालयले भन्दा बढी वस्तु निर्यात भएको हो।
भन्सार विभागका अनुसार चालू आर्थिक वर्षको चार महिनामा रु. ५२ अर्ब ६७ करोड सात लाख १० हजारका सामान निर्यात भएका छन्। वीरगन्ज भन्सारले मात्र रु. १२ अर्ब १२ करोड २१ लाख ३१ हजारबराबरका वस्तु निर्यात गरेको छ।
वीरगन्ज भन्सार प्रमुख दीपक लामिछानेका अनुसार यहाँबाट सिन्थेटिक यार्न, भटमासको तेल, पिना, ऊनी गलैँचालगायत उत्पादन निर्यात भएको छ। सुक्खा बन्दरगाहबाट रु. एक अर्ब ५१ करोडबराबरका सामान निर्यात भएका छन्।
यसैबिच, त्रिभुवन अन्तर्राष्ट्रिय विमानस्थल भन्सार कार्यालयले सोही अवधिमा रु. १२ अर्ब ३५ करोड ३९ लाख १४ हजारबराबरका वस्तु निर्यात गरेको जनाएको छ।
