Skip This
कांग्रेसका सर्लाही जिल्ला सभापति सुरेन्द्रप्रसाद सिंहलाई पार्टीको साधारण सदस्यसमेत नरहने गरी बर्खास्त गर्न माग गरिएको छ।
सर्लाहीको तत्कालीन मनुस्मारा सिँचाइ आयोजना प्रथम चरणको जल उपभोक्ता समितिको अध्यक्ष रहँदा गरेकाे आर्थिक अनियमिततामा दाेषी ठहर भइसकेका सिंहलाई साधारण सदस्य समेत नरहने गरी बर्खास्त गर्न माग गरिएकाे कांग्रेस सर्लाहीका क्षेत्रीय सभापति कौशलकिशोर रायले जानकारी दिए।
सभापति रायका अनुसार सर्वोच्च अदालतले गत फागुनमा उनलाई भ्रष्टाचार मुद्दामा दोषी ठहर गरेकाे हाे।
साे मागसहित सर्लाहीबाट उपसभापति नवीनप्रसाद अधिकारी र सर्लाही क्षेत्र न-१ का सभापति हरिबहादुर लुंगेली पार्टी सभापति शेरबहादुर देउवालाई भेट्न केन्द्रीय कार्यालय पुगिसकेका छन्।
