मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ७ शुक्रबार
  • Friday, 19 April, 2024
नयाँ पत्रिका काठमाडौं
२०८० चैत २० मंगलबार १५:०२:००
Read Time : < 1 मिनेट
समाचार डिजिटल संस्करण

गिरोहमा परिणत भएका दल र यसका नेता नसच्चिएसम्म समाजवाद आउँदैन : संविधानविज्ञ महतो

Read Time : < 1 मिनेट
नयाँ पत्रिका, काठमाडौं
२०८० चैत २० मंगलबार १५:०२:००

संविधानविज्ञ सुरेन्द्र महतोले राजनीतिक दल र नेताहरू रूपान्तरण नभएसम्म नेपाली विशेषताको समाजवाद आउन नसक्ने बताएका छन्

समाजवादी मोर्चाले आज राजधानीमा गरेको ‘नेपाली विशेषताको समाजवाद’ विषयक अन्तर्क्रियामा वरिष्ठ अधिवक्ता महतोले दल र नेताहरू नै बिग्रिएको यही अवस्थामा नेपालमा समाजवाद आउन नसक्ने बताए।

‘दलहरू गिरोहमा परिणत भएका छन् । यिनलाई जनताको कुनै मतलब छैन,’ उनले भने, ‘दल र यसका नेताहरू, राज्य सञ्चालकहरूले आफूलाई रूपान्तरण नगरेसम्म नेपाली विशेषताको समाजवाद आउँदैन।’

उनले समाजवादतर्फ अघि बढ्न अहिलेको संविधान र यसका व्यवस्थाले नरोकेको भन्दै नेताहरूकै इमानदारीमा समस्या रहेको धारणा राखे।