- वि.सं २o८१ बैशाख १८ मंगलबार
जुम्बाका धेरै मानसिक तथा शारीरिक फाइदा छन् । यसले तपाईंको शरीरलाई स्वस्थ राख्छ । तपाईंलाई ऊर्जाशील बनाउँछ । दैनिक एक घण्टा जुम्बा गरेर शरीरलाई फिट र स्वस्थ राख्न सकिन्छ । यसमध्ये १० मिनेट वार्मअप र पाँच मिनेट कुलडाउन हुन्छ ।
बाँकी ४५ मिनेट संगीतको तालमा मनोरञ्जन गर्दै बित्छ । त्यही कारण यसले वर्कआउटभन्दा पनि एउटा डान्स पार्टीजस्तो महसुस गराउँछ । तपाईंको अनुहारमा हाँसो हुनेछ, यो नै महत्वपूर्ण कुरा हो ।
स्ट्रेसबाट बाहिर निस्कनका लागि र फिटनेसका लागि जुम्बा महत्वपूर्ण छ । सबै उमेर समूहकाले यो गर्न सक्छन् । १२ वर्षदेखि ६० वर्षसम्मका मानिस आउन सक्छन् । स्टेपहरू फलो गर्नलाई धेरै सहज छन् ।
