प्रधानमन्त्री पुष्पकमल दाहाल प्रचण्डले वैचारिक विषयमा आशंका उत्पन्न भएपछि कांग्रेससँगको सहकार्य तोड्न बाध्य हुनुपरेको बताएका छन् ।
प्रतिनिधिसभामा सांसदहरूले उठाएका सवालको जवाफ दिन उभिएका प्रधानमन्त्रीले कांग्रेससमेत रहेको अघिल्लो गठबन्धन टुट्नुमा विभिन्न कारण रहेको बताए ।
प्रधानमन्त्रीले कांग्रेस महासमिति बैठकमा प्रस्तुत राजनीतिक प्रतिवेदन, महासमिति बैठकमा स्टल राखेरै हिन्दुराज्य घोषणाको पक्षमा चलाइएको अभियानलाई गम्भीरतापूर्वक लिएको बताए ।
महासमिति बैठकमा सन्दर्भ नै नरहेको आगामी चुनावी गठबन्धनको विषयमा प्रस्तुत प्रस्तावमाथि पनि प्रधानमन्त्रीले चित्त दुखाए ।