Skip This
दक्षिण अफ्रिकाले अफ्रिका कप अफ नेसन्सको अन्तिम चारमा स्थान पक्का गरेको छ ।
क्वार्टरफाइनलमा केप भर्डेलाई परास्त गर्दै दक्षिण अफ्रिकाले सेमिफाइनलमा स्थान बनाएको हो । अन्तिम चारमा पुग्न दक्षिण अफ्रिकाले टाइब्रेकरको सहारा लिनुपरेको थियो । उसले टाइब्रेकरमा केप भर्डेलाई २–१ गोलअन्तरले पराजित गर्याे ।
निर्धारित ९० मिनेटको खेल गोलरहित बराबरीमा सकिएपछि खेल टाइब्रेकरमा पुगेको थियो । पेनाल्टी सुटआउटमा दक्षिण अफ्रिकालाई विजयी गराउने क्रममा कप्तानसमेत रहेका गोलरक्षक रोनवेन नायक साबित भए । उनले केप भर्डेका चार पेनाल्टी प्रहार असफल बनाइदिए । उता, केप भर्डेका गोलरक्षक भोजिन्हाले पनि दक्षिण अफ्रिकाका दुई पेनाल्टी प्रहार रोके पनि टिमलाई जित दिलाउन सकेनन् ।
शनिबार नै भएको अर्को खेलमा आयोजक आइभाेरीकाेस्ट मालीलाई २–१ गोलअन्तरले पराजित गर्दै अन्तिम चारमा पुगेको छ ।
