- वि.सं २o८१ बैशाख २० बिहीबार
सभामुख देवराज घिमिरेले प्रिबजेट छलफलमा आएका विषयलाई बजेटमा समेट्ने तयारी भइरहेको बताएका छन्। आइतबार संसद् भवनको निरीक्षणपश्चात् पत्रकारहरूसँग कुरा गर्दै उनले प्रिबजेटका लागि अध्यादेशमार्फत कानुनी प्रबन्ध आएको जानकारी दिए।
‘प्रिबजेटका लागि कानुनी प्रबन्ध अध्यादेशमार्फत आएको छ। त्यसअनुसार रुटिन मिलाउने काम भएको छ। प्रिबजेटमा कसरी जाँदा उपयुक्त हुन्छ भन्नेबारे सरकारमा छलफलहरू भइरहेका छन्,’ सभामुख घिमिरेले भने, ‘सरकारले सांसदहरूसँग छलफल गर्नुपूर्व यो मोडलमा जानुपर्छ भनेर हामीले प्रस्ताव गरेका छौँ। त्यो प्रस्तावमा सरकारले सकारात्मक ढंगबाट सोचेको छ।’
प्रिबजेटको प्राथमिकता र सिद्धान्तमाथि पहिले छलफल गरी त्यसकै आधारमा बजेटमा समेट्ने आधारहरू तयार गर्नुपर्ने उनको भनाइ थियो।
संघीय संसद्को हिउँदे अधिवेशन सोमबारदेखि सुरु हुँदै छ। बजेट अधिवेशनलाई बिजनेसको कमी हुन नदिने सरकारले प्रतिबद्धता जनाएको उल्लेख गर्दै सभामुख घिमिरेले अहिलेसम्म संसद् सचिवालयमा दुईवटा बिजनेस आएको बताए।
