- वि.सं २o८१ बैशाख २२ शनिबार
बिहीबारको मन्त्रिपरिषद् बैठकले गहुँको न्यूनतम समर्थन मूल्य प्रतिक्विन्टल तीन हजार ६ सय ५० रुपैयाँ निर्धारण गर्ने निर्णय गरेको छ । गत वर्ष फागुनमा समर्थन मूल्य निर्धारण गरेको सरकारले यो वर्ष भने तुलनात्मक रूपमा छिटो, तर बाली लगाइसकेपछि मूल्य निर्धारण गरेको छ । सरकारले यसपटक निर्धारण गरेको गहुँको मूल्य गत वर्षको भन्दा प्रतिक्विन्टल दुई सय ९९ रुपैयाँ बढी हो ।
सरकारले निर्धारण गरेको मूल्यमा भने किसानले गहुँ बिक्री गर्न पाएका छैनन् । खरिद गर्ने सरकारी निकाय नभएको र व्यवसायीले सस्तोमा उठाउने भएकाले किसानले न्यूनतम समर्थन मूल्य पाउने गरेका छैनन् ।
