- वि.सं Invalid date format
सोमबार बिहानदेखि हुम्ला जिल्लामा हिमपात भएको छ । हिमपातसँगै चिसो पनि बढेको छ। हिमपातपछि नेपालगन्ज र सुर्खेतबाट हुँदै आएका हवाई उडानसमेत प्रभावित भएका छन्।
यस वर्षको पहिलो हिमपातले कृषकको मुहारमा खुसी छाएको छ। झन्डै एक फिटजति सदरमुकाम सिमकोटमा हिउँ जमेको छ। मंसिरमा छरेर जेठ महिनामा भित्र्याउने जेठासी बाली राम्रो हुने भएपछि कृषकको मुहारमा खुसी छाएको छ।
हिमपातले उत्तरी नाम्खा गाउँपालिका- ६ को लिमी जाने न्यालुलेख बन्द भएको नाम्खा गाउँपालिका- ६ का वडाध्यक्ष पाल्जोर तामाङले बताए।
अब थप हिमपात भएपछि लिमी आवतजावत गर्न कठिन हुने वडाध्यक्ष तामाङले बताए। उत्तरी हिल्सानाका जाने नारालेख पनि हिउँले छोपेको छ।
