Skip This
निर्वाचन आयोगका पदाधिकारीले आफ्नो सात दिनको तलब जाजरकोट र रुकुम पश्चिमका भूकम्पपीडितको राहतका लागि सहयोग गर्ने भएका छन् । आयोगले बुधबार गरेको निर्णयअनुसार भूकम्पपीडितको तत्काल राहतका लागि प्रधानमन्त्री दैवी प्रकोप उद्धार कोषमा प्रमुख निर्वाचन आयुक्त र आयुक्तहरूबाट सात दिनको पारिश्रमिक जम्मा गरिनेछ ।
यस्तै, आयोग एवं आयोगअन्तर्गत प्रदेश र जिल्ला निर्वाचन कार्यालयका कर्मचारीमध्ये सचिव र सहसचिवबाट तीन दिन, उपसचिव र शाखा अधिकृतबाट दुई दिन र सोभन्दा तलका कर्मचारीबाट एक दिनबराबरको पारिश्रमिक जम्मा गर्ने निर्णय भएको प्रवक्ता शालिग्राम शर्मा पौडेलले जानकारी दिए ।
