- वि.सं Invalid date format
चीन सरकारले जाजरकोट र रुकुम पश्चिमका भूकम्पपीडितलाई थप एक करोड ५० लाख आरएमबी (२६ करोड रुपैयाँ) सहयोग गर्ने भएको छ।
आपतकालीन मानवीय सहायतास्वरूप सो रकम उपलब्ध गराउने निर्णय गरेको चिनियाँ राजदूत चेन सोंगले ट्विटरमार्फत जानकारी गराएका छन्।
उनका अनुसार चीनको रेडक्रस सोसाइटीले पनि नेपाललाई आपतकालीन नगद सहयोगस्वरूप एक लाख अमेरिकी डलर (एक करोड ३३ लाख रुपैयाँ) सहयोग गर्ने भएको छ। चीनले यसअघि घोषणा गरेको १० करोड नेपाली रुपैयाँबराबरको राहत सामग्री नेपाल आइसकेको छ।
