Skip This
हिमालयन बैंक लिमिटेडले जिल्ला प्रहरी परिसर काठमाडौंलाई गोप्रो क्यामेरा सहयोग गरेको छ । बैंकले आफ्नो संस्थागत सामाजिक उत्तरदायित्वअन्तर्गत दुई लाख ६७ हजार पाँच सय रुपैयाँबराबरको इन्स्टा ३६० चेस्ट स्ट्रयापसहित पाँच थान गोप्रो हिरो नाइन क्यामेरा खरिद गरी हस्तान्तरण गरेको हो ।
सहरीकरण, सवारी चाप, लुटपाट, पाकेटमार, चोरी, आन्दोलन, बन्द, हडताल आदिजस्ता गतिविधिहरूको निगरानी तथा रोकथाम गर्न बैंकले काठमाडौं जिल्ला प्रहरी परिसरलाई उक्त सहयोग गरेको जनाएको छ ।
सहयोगस्वरूप प्रदान गरेको क्यामेरा बैंकका प्रमुख कार्यकारी अधिकृत अशोकशमशेर राणाले प्रहरी उपरीक्षक कुमुद ढुंगेललाई हस्तान्तरण गरेको उल्लेख छ । उक्त समारोहमा बैंकका नायब प्रमुख कार्यकारी अधिकृत उव्ज्वल राजभण्डारी र मुख्य प्रबन्धक समीर आचार्यको पनि उपस्थिति रहेको बैंकले जनाएको छ ।
