- वि.सं २o८१ बैशाख २३ आइतबार
ललितपुरको जाउलाखेल मैदानमा बडादसैँ जुत्ताचप्पल मेला सुरु भएको छ । तिन कात्तिकसम्म चल्ने मेला वडादसैँ पर्वलक्षित भएकाले नयाँनयाँ डिजाइनका जुत्ताचप्पल आकर्षक मूल्यमा उपलब्ध गराउने उद्देश्यसहित मेला आयोजना गरिएको हो ।
मेलामा नेपालका जुत्ताचप्पल ब्रान्डहरू रोयल सुज, बिएफ डियर हिल, बिएफ स्पोर्ट, क्रसरोड सुज, फस्र्टवाक सुज, सिल, हाईलाइफ, केटिएम, डिजे सुज, बेली सुज, उत्सव र कोसेली सुज गरी ११ कम्पनी र ब्रान्डको सहभागिता रहेको छ । मेलामा तीन हजारभन्दा बढी मोडेल र डिजाइनका जुत्ता उपलब्ध रहेको आयोजकले जनाएका छन् ।
नेपाली र गुणस्तरीय नेपाली उत्पादन मात्र रहेको मेलामा नयाँ उत्पादन पनि लन्च गरिएको जनाइएको छ । मेला अवधिभर न्यूनतम २० प्रतिशतदेखि कतिपय उत्पादनमा ५० प्रतिशतसम्म छुटको व्यवस्था मिलाइएको आयोजकको भनाइ छ । मेला अवधिभरमा तीन लाख अवलोकनकर्तालाई अवलोकन गराउने लक्ष्य राखिएकाले आयोजकले निःशुल्क प्रवेशको व्यवस्था गरेका छन् ।
