Skip This
उमेर बढ्दै जाँदा हाम्रो शरीरमा धेरै परिवर्तन हुन्छन् । जसकारण हड्डी कमजोर हुन थाल्छ । यस्तो अवस्थामा घुँडा, काँध, ढाड, जोर्नी र मांसपेशीको दुखाइ हुन थाल्छ । नियमित योग गरेर यी समस्याबाट छुटकारा पाउन सकिन्छ ।
ताडासन : ताडासनले शरीरलाई सन्तुलनमा राख्न मद्दत गर्छ । साथै, स्वास्थ्यमा पनि सुधार ल्याउँछ । यसले तपाईंको तिघ्रा, खुट्टा, हातलाई बलियो बनाउन सहयोग गर्छ । बुढेसकाल लाग्न थालेपछि पाचन शक्ति पनि कमजोर हुँदै जान्छ । यो योगासनले पाचन क्रियालाई सन्तुलनमा राख्न मद्दत गर्छ । त्यस्तै, बुढेसकालमा अल्छी लाग्छ, त्यसैले अधिकांश वृद्धवृद्धामा तनाव तथा डिप्रेसनको समस्या हुने पाइन्छ । यस्ता समस्याबाट बच्न पनि यो प्रभावकारी छ ।
बद्ध कोणासन : यो योगासनले तिघ्रा र घुँडा बलियो हुन्छ । यति मात्र होइन, यसले शरीरको पाचन क्षमता विकास गर्छ । यो योगासन वृद्धवृद्धाका लागि तनाव र थकान कम गर्न निकै सहयोगी हुन्छ ।
शवासन : शवासन योग गर्दा शरीरलाई आराम मिल्छ । यसले तपाईंलाई तनावमुक्त महसुस गराउँछ । शवासन योग गर्दा उच्च रक्तचाप नियन्त्रण हुन्छ । वृद्धवृद्धामा प्रायः उच्च रक्तचाप हुन्छ । यसले उच्च रक्तचाप कम गर्न मद्दत गर्छ ।
