- वि.सं २o८o असार १० आइतबार
नेता डा. शशांक कोइरालाले कांग्रेसलाई पुनर्जीवन दिनुपर्ने आवश्यकता रहेको बताएका छन्। आइतबार पार्टीनिकट नेपाल प्रेस युनियन, काठमाडौं शाखाको नवौँ अधिवेशनलाई सम्बोधन गर्दै उनले यस्तो बताएका हुन्।
कांग्रेसलाई बचाउन शुभेच्छुक संस्थाहरूले पार्टी नेतृत्वलाई खबरदारी गर्नुपर्ने बताउँदै नेता कोइरालाले सबैले आफ्नो दायित्व स्पष्ट गर्नुपर्ने आवश्यकता रहेको औँल्याए।
उनले भने, ‘कांग्रेस छियाछिया हुन थालेको छ। अब यसलाई कसरी हामीले पुनर्जीवन दिने हो ? जाडोको याममा पात झरेको देख्नुभएको छ। पात झर्दाझर्दै उसले एउटा तरंग दिन्छ वृक्षलाई कि ऊ जाडो यामलाई छलेर जब वसन्त ऋतु आउँछ फेरि हरियो भएर जान्छ। त्यसैले तीन, चार, पाँच सय वर्ष जान्छ, त्यसलाई अपक्टोसिस भनिन्छ । यो नेचुरल प्रक्रिया हो। आउँदो भविष्यमा कांग्रेस कसरी जाने भन्नेबारेमा सोच्नुपर्छ।’
