- वि.सं २o८१ जेठ १ मंगलबार
धादिङका चार स्रष्टालाई सम्मान गरिएको छ। नेपाली भाषा र साहित्यको विकासको निम्ति विभिन्न विधामा कलम चलाउँदै आएका स्रष्टाहरूलाई नीलकण्ठ प्रज्ञा प्रतिष्ठानले सम्मान गरेको हो।
कला र साहित्यको माध्यमबाट धादिङको नाम उचाइमा पुर्याएका स्रष्टालाई सम्मान गरिएको प्रतिष्ठानका अध्यक्ष बद्रीप्रसाद दाहालले बताए।
प्रतिष्ठानले मदन पुरस्कार विजेता अग्नि महाकाव्यका लेखक डाक्टर नवराज लम्सालसहित प्रा.डा. रामचन्द्र लम्साल, डा. ज्ञानेन्द्रबहादुर श्रेष्ठ र राष्ट्रिय लोक तथा दोहोरी गीत प्रतिष्ठान नेपालका केन्द्रीय अध्यक्ष रिता थापामगरलाई सम्मान गरेको हो।
