- वि.सं २o७९ चैत १० शुक्रबार
एचबिआर कला केन्द्रको ब्यानरमा निर्माण गरिएको ‘बैरागी’ म्युजिक भिडियोकाे डोल्पामा प्रिमियर शो गरिएको छ ।
त्रिपुरासुन्दरी नगरपालिकाका प्रमुख जनचन्द्र रोकायको प्रमुख आतिथ्यमा त्रिपुराकोटमा भिडियोको प्रिमियर शो देखाइएको हो । जिल्लाको त्रिपुरासुन्दरीअन्तर्गत पर्ने चुँ गाउँमा छायांकन गरिएको भिडियोले प्रिमियरमै जनप्रतिनिधि तथा स्थानीयवासीको प्रशंसा बटुलेको छ ।
महिला हिंसाको विषयलाई लिएर निर्माण गरिएको भिडियोमा सुरविना कार्की, वसन्त सार्की, एन्जिला पन्थीलगायतको अभिनय छ । भिडियो हेरेपछि नगरप्रमुख रोकायाले निर्माण टिमलाई बधाई दिँदै नगरपालिकाबाट हुन सक्ने आर्थिक सहयोग गर्ने प्रतिबद्वता व्यक्त गरे ।
हरि पन्थीले निर्माण गरेको भिडियोको निर्देशन लक्ष्मण सुनारले गरेका हुन् । म्युजिक भिडियो केही दिनभित्र युट्युबमा सार्वजनिक हुने निर्माण टिमले जनाएको छ।
