- वि.सं Invalid date format
भारतको मुम्बईमा उपचाररत कांग्रेस नेता एवं प्रतिनिधिसभा सदस्य डा. चन्द्र भण्डारीको स्वास्थ्यमा सुधार देखिएको छ। फोक्सोले आफैँ काम गर्न थालेपछि कृत्रिम अक्सिजनको मात्रा ४५ प्रतिशतले घटाएको अस्पतालले जनाएकाे छ।
उपचारमा संलग्न डा. मुकेश मिश्राका अनुसार डा. भण्डारी खतरामुक्त छन्। कृत्रिम अक्सिजनको मात्रा कम गर्दै जाने र सोमबार भेन्टिलेटर हटाउने तयारी भइरहेको छ।
४ फागुनमा बुद्धनगरस्थित घरमा ग्यास लिक भएर आगलागी हुँदा जलेर घाइते भएका सांसद भण्डारीको मुम्बईमा उपचार भइरहेको छ । यसअघि शुक्रबार उनको दुवै खुट्टाको सर्जरी गरिएको थियो।
