ललितपुर ३ मा राष्ट्रिय स्वतन्त्र पार्टीकी उम्मेद्वार तोसिमा कार्की फराकिलो मतान्तरसहित अग्रस्थानमा छिन् । पछिल्लो मतपरिणामअनुसार कार्कीले २८ हजार एक सय ११ मत प्राप्त गरेकी छिन् ।

उनलाई पछ्याइरहेका नेकपा एमालेका उम्मेदवार अमृत खड्काले १२ हजार दुई सय ८४ मत प्राप्त गरेका छन् । त्यस्तै सत्तागठबन्धनबाट उम्मेदवार बनेकी माओवादीकी पम्फा भुसालले ८ हजार दुई सय ६० मत प्राप्त गरेकी छिन् । ललितपुर ३ मा ६१ हजार सात सय मत खसेको थियो ।