- वि.सं २o८१ बैशाख २३ आइतबार
अर्घाखाँचीमा मत गणनाको तयारी पुरा भएको छ । सर्वदलीय बैठक सम्पन्न भएकाले केही समय पछि मतगणना सुरु हुने मुख्य निर्वाचन अधिकृत डाक्टर श्रीकृष्ण भट्टराईले जानकारी दिए ।
आइतबार ९८ स्थायी मतदान स्थलका २ सय २ वटा केन्द्रमा मतदान सम्पन्न भएको थियो । जिल्लामा ५४ प्रतिशत मत खसेको छ । जसमा महिला ४९ हजार १८ र पुरुष ४० हजार ५ सय १३ गरी जम्मा ८९ हजार ५ सय ३१ मत खसेको जिल्ला निर्वाचन कार्यालय अर्घाखाँचीका प्रमुख सुरेश भण्डारीले जानकारी दिए ।
प्रत्यक्ष र समानुपातिकतर्फको मतगणना एकै समयमा सुरु गर्नुपर्ने भएकाले केही समय ढिला हुन गएको भट्टराईले बताए । मतगणनास्थलमा तीन तहको सुरक्षा व्यवस्था गरिएको प्रमुख जिल्ला अधिकारी सशिधर घिमिरेले बताए ।
यस्तै, मतगणना स्थललाई तार, जाली लगाइएको छ । मतगणनामा बस्ने दलका प्रतिनिधिहरूको तयारीमा ढिलाइ भएकोले गणना कार्य पछि धकेलिएको हो । यहाँ वाम-लोकतान्त्रिक गठबन्धनबाट प्रतिनिधसभामा पुष्पा भुसाल र एमालेबाट टोपबहादुर रायमाझी चुनावी प्रतिस्पर्धामा छन् ।
