Skip This
कर्तव्य ज्यान र जबर्जस्ती करणीका दुई फरार प्रतिवादीलाई प्रहरीले पक्राउ गरेको छ । पक्राउ पर्नेमा बाँके नेपालगन्ज उमनपा– ५ का ३३ वर्षीय अच्छन अलि अन्सारी र बाँके सोनपुराका ३४ वर्षीय जोहरू भाट रहेका छन् ।
जिल्ला अदालत बाँकेले अन्सारीलाई कर्तव्य ज्यानमा २० वर्ष कैद सजाय र भाटलाई जबर्जस्ती करणीमा सात वर्ष कैदसहित ५० हजार रुपैयाँ जरिवाना सुनाएको थियो ।
अन्सारीले दाइजो नल्याएको निहुँमा चार वर्षअघि श्रीमती रुवी अन्सारीको आगो लगाई हत्या गरेका थिए ।
भाटले भने नौ वर्षअघि सोनपुरस्थित गिजरा सामुदायिक वनमा दाउरा खोज्न गएकी महिलालाई जबर्जस्ती करणी गरेका थिए । उनीहरूलाई नेपाल प्रहरीको केन्द्रीय अनुसन्धान ब्युरो (सिआइबी) ले पक्राउ गरेको हो ।
