मोटरसाइकल दुर्घटनामा घाइते भएका पाँचखपन नगरपालिकाका मेयर विपिन राईलाई उपचारका लागि हेलिकोप्टरमार्फत काठमाडौं लगिएको छ । उनलाई बिहीबार कैलाश एयरको हेलिकोप्टरमार्फत काठमाडौं लगिएको हो ।
पाँचखपन नगरपालिकाको कार्यालय वानाबाट बुधबार बेलुकी खाँदबारीस्थित घर फर्किने क्रममा उनी मोटरसाइकल दुर्घटनामा परेका थिए । दुर्घटनापछि उनी जिल्ला अस्पताल खाँदबारीमा भर्ना भएका थिए । बायाँ हात भाँचिएको र शरीरको भित्री अंगमा पनि असर परेको चिकित्सकले बताएपछि थप उपचारका लागि उनी काठमाडौं गएका हुन् ।
लकडाउनको कारण बजार, पसल र यातायातसमेत बन्द रहेको कारण हेलिकोप्टर मगाएर उपचारका लागि काठमाडौं जानुपरेको मेयर राईले बताए ।
See More On
