नेकपा एमालेकी सांसद पद्मा अर्यालले सरकार कानुन कार्यान्वयन गर्न छोडेर शक्ति प्रदर्शनतिर लागेको आरोप लगाएकी छिन् ।
बिहीबार प्रतिनिधिसभाको बैठकमा सरकारले प्रस्तुत गरेको नीति तथा कार्यक्रमाथि आफ्नो संशोधन बुँदा राख्ने क्रममा उनले जनताले राखेको असाधारण आशा, उत्साह र भरोसालाई सम्बोधन गर्न नीति तथा कार्यक्रम चुकेको बताइन् ।
सुकुमवासीलाई लटेखेर व्यवस्थापन गर्छु भन्ने सरकारको शैली घोडाको अगाडि बग्गी राखेर यात्रा गर्न खोजेजस्तै भएको आरोप लगाइन् ।
कानुनले भूमिहीन, दलित र सुकुमवासीलाई निःशुल्क जग्गा दिई व्यवस्थापन गर, अव्यवस्थित बसोबासीलाई निश्चित शुल्क लिएर स्वामित्व प्रदान गर भन्ने कुरालाई सरकारले दमनको शैलीमा बेवास्ता गरेको बताइन् । उनले आफ्नो पार्टी भूमिहीन, दलित र सुकमवासीको समस्याको दीर्घकालीन समाधानको पक्षमा रहेको उल्लेख गरिन् । राज्यले आफ्नै नागरिकलाई शत्रुजस्तै व्यवहार गर्नु दुखद भएकाे उल्लेख गरिन् ।
नीति तथा कार्यक्रममा किसानको पीडा, कृषिको भविष्य र कृषि क्रान्तिको स्पष्ट मार्गचित्र नदेखिएको बताइन् ।
