एसइईमा इलिक्सर एकेडेमीको शतप्रतिशत नतिजा

इलिक्सर एकेडेमीले यो वर्षको माध्यमिक शिक्षा परीक्षा (एसइई)मा शतप्रतिशत नतिजा ल्याएको छ । यस एकेडेमीबाट यो वर्षको एसइईमा ३८ जना विद्यार्थी सहभागी भएकोमा १८ जनाले चार जिपिएसहित शतप्रतिशत विद्यार्थीले ३.७३ जिपिएभन्दा माथि (ए प्लस) नतिजा ल्याएका हुन् । 

चाबहिलस्थित इलिक्सर एकेडेमीले स्थापनाकालदेखि नै विद्यार्थीको सर्वांगीण विकासलाई ध्यानमा राख्दै आफ्ना क्रियाकलाप सञ्चालन गर्दै आएको विद्यालयका प्रधानाध्यापक रविन दाहालले बताए ।

यसअघि ०७८ सालको एसइई परीक्षामा काठमाडौं जिल्लामा प्रथम भई काठमाडौं महानगरपालिकाबाट नगद पुरस्कारसहित ‘सर्वोत्कृष्ट विद्यालय पुरस्कार’ले पुरस्कृत भएको थियो । त्यस्तै, ०८० सालको एसइई परीक्षामा काठमाडौं जिल्ला प्रथम भई प्याब्सन काठमाडौंद्वारा ‘उत्कृष्ट विद्यालय सम्मान २०८०’ ले सम्मानित भएको थियो ।