- वि.सं Invalid date format
नेपाल विद्यार्थी संघका अध्यक्ष दुजाङ शेर्पाले इतिहास र भविष्यलाई हेरेर नेपाली कांग्रेसलाई मत दिन आग्रह गरेका छन्। चितवनमा आयोजित गठबन्धन दलका विद्यार्थी संगठनको संयुक्त कार्यक्रममा शेर्पाले यस्तो बताएका हुन्।
कांग्रेसकै कारण देश तानाशाहीको हातमा जानबाट रोकिएको भन्दै उनले संविधानको रक्षा, स्थिरता र समृद्धिका लागि कांग्रेसलाई मतदान गर्नुपर्ने तर्क गरे।
‘इतिहास हेर्नुस्। ००७ सालअघि नेपाली जनता रैती थिए। कांग्रेसले रैतीलाई जनता बनायो। कांग्रेसको नेतृत्वमा भएका विभिन्न आन्दोलनले सफलता पाए,’ उनले भने, ‘इतिहास र भविष्यलाई हेरेर कांग्रेस र गठबन्धनलाई मत दिनुहोला।’
