- वि.सं २o८१ बैशाख २१ शुक्रबार
हिमाली जिल्ला ताप्लेजुङको दुर्गम क्षेत्रमा अझै पनि खच्चड, चौँरी र याकमार्फत खाद्यान्न सामग्री ढुवानी गरिँदै आएको छ। सडक सञ्जाल नजोडिएको र यातायातको पहुँच नपुगेका क्षेत्रहरूमा पशुमार्फत खाद्यान्नसहित उपभोग्य सामग्री ढुवानी गरिँदै आएको छ।
दसैँ तथा विभिन्न चाडहरू नजिकिएसँगै स्थानीयवासीले खाद्यान्नसहितका आवश्यकीय उपभोग्य सामग्रीहरू खच्चड र चौँरी तथा याकलाई बोकाएर ढुवानी गरिरहेका छन् । मामाङ्खेमा अहिलेसम्म सडक पुगेको छैन। सडकले नछोएका ठाउँहरूमा कि पिठ्युँमा मानिसले बोकेर लैजानुपर्ने कि पशुमार्फत ढुवानी गराउनुपर्ने बाध्यता छ ।
जिल्लाको सबैभन्दा टाढा रहेको हिमाली गाउँ फक्ताङलुङ गाउँपालिका– ७ को याङमा साथै ओलाङचुङगोला, घुन्सा र मिक्वाखोला गाउँपालिका– ५ पापुङमा, तोक्पेगोला क्षेत्रमा यातायातका साधन सञ्चालन नहुँदा खच्चड, चौँरी र याकमार्फत सामान ढुवानी गर्ने गरिएको स्थानीयले लक्ष्मी माविका प्रधानाध्यपक लक्ष्मी माबोले बताए । सडक र यातायातको पहुँच नभएपछि खच्चडमार्फत सामग्री ढुवानी गर्नुको विकल्प नभएको माबोले बताए।
