- वि.सं २o७९ असोज ३ सोमबार
छैटौँ महिला साफ च्याम्पियनसिपको उपाधिका लागि भइरहेको खेलमा नेपाल २–० ले पछि परेको छ। काठमाडौंको त्रिपुरेश्वरस्थित दशरथ रंगशालामा जारी खेलमा बंगलादेशले २–० ले अग्रता लिइसकेको छ।
बंगलादेशको पहिलो गोल निकै आकर्षक थियो। सामसुन्ना हारले खेलको १४औँ मिनेटमा आकर्षक गोल गर्दै बंगलादेशलाई अग्रता दिलाएकी थिइन्। सब्स्टिच्युट खेलाडीका रूपमा मैदान प्रवेश गरेको केही मिनेटभित्रै उनले आफ्नो उपस्थिति प्रमाणित गरिन्।
यसपछि नेपालले खेलमा बराबरी गर्ने निरन्तर प्रयास गरिरह्यो। तर, ४२औँ मिनेटमा श्रीमोती कृष्ण शंकरले दोस्रो गोल गरिन्। नेपाली डिफेन्डरहरूको कमजोरीको फाइदा उठाउँदै उनले बललाई जाली चुमाइन्।
