मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ माघ १३ शुक्रबार
  • Friday, 27 January, 2023
शिल्पा कर्ण काठमाडौं
२०७९ असोज २ आइतबार १२:०२:००
Read Time : < 1 मिनेट
मुख्य समाचार डिजिटल संस्करण

चोलेन्द्रले आक्रोशित हुँदै भने– सुरक्षाकर्मीले निवास घेरेका छन्, म कसरी निस्कन सक्छु ?

Read Time : < 1 मिनेट
२०७९ असोज २ आइतबार १२:०२:००

सर्वोच्च अदालत फर्कने आफ्नो प्रयासमा सरकारले बाधा पारेपछि निलम्बित प्रधानन्यायाधीश चोलेन्द्रशमशेर जबरा आक्रोशित बनेका छन् । 

निवासमै रहेको वा निस्किएको भन्नेबारे प्रतिक्रिया लिन खोज्दा नयाँ पत्रिकासँग उनले आक्रोशित हुँदै भने, ‘सरकारले बिहानैदेखि निवासअगाडि सुरक्षाकर्मी तैनाथ गरेको छ । बाहिर निस्कन दिएका छैनन् । अनि, कसरी सर्वोच्च पुग्नु ?’

उनी बसिरहेको बालुवाटारस्थित प्रधानन्यायाधीशको सरकारीनिवासअगाडि अहिले पनि सुरक्षाकर्मीको बाक्लो उपस्थिति छ । उनीहरू बिहानैदेखि त्यहाँ खटिएका हुन् । 

उनले आफू सर्वोच्च जाने तयारीमा रहे पनि सरकारले निवासमै रोकिदिएको बताए । ‘म सर्वोच्च अदालत जाने तयारी गरिरहेको थिएँ । तर, सरकारले निवासमै रोकिदियो । निवासबाहिर प्रहरी तैनाथ गरिएको छ,’ उनले भने । 

उनलाई रोक्न नेपाल बार र सर्वोच्च बारका कानुन व्यवसायीहरू पनि सर्वोच्च परिसरमा तयारी अवस्थामा छन् । सर्वोच्च गेटमै पनि व्यापक रूपमा सुरक्षाकर्मी तैनाथ गरिएको छ ।