मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडौं
२०७९ भदौ २१ मंगलबार १८:०२:००
Read Time : < 1 मिनेट
समाचार डिजिटल संस्करण

त्रिवि पदाधिकारी फिनल्यान्ड भ्रमणमा, नेविसंघले दिउँसै मैनबत्ती बालेर खोज्यो उपकुलपति

Read Time : < 1 मिनेट
नयाँ पत्रिका, काठमाडौं
२०७९ भदौ २१ मंगलबार १८:०२:००

नेपाल विद्यार्थी संघ (नेविसंघ)ले त्रिभुवन विश्वविद्यालयको बेथितिविरुद्ध मैनबत्ती बालेर सांकेतिक विरोध गरेको छ। त्रिवि पदाधिकारी गैरजिम्मेवार भएको भन्दै नेविसंघले उपकुलपति खोज्न दिउँसै मैनबत्ती बालेर विरोध जनाएको हो।

नेविसंघ अध्यक्ष डुजाङ शेर्पाले त्रिविको बेथितिविरुद्ध निरन्तर विरोधको श्रृ‌ंखला जारी रहने बताए। नेविसंघले पटक-पटक पुरानै प्रश्नपत्र दोहोरिएको विषयमा छानबिन गरी दोषीलाई कारबाहीको माग गर्दै आएको छ। तर, समितिको प्रतिवेदन विश्वविद्यालयका पदाधिकारीहरुले लुकाएर दोषीलाई उम्काउन खोजेको आरोप नेविसंघको छ।

विद्यार्थी नेता श्यामराज ओझाले विश्वविद्यालयलाई अस्तव्यस्त छोडेर उपकुलपतिसहित पदाधिकारीको जम्बो टोली फिनल्यान्ड गएपछि दिउँसै मैनबत्ती बालेर विरोध गरेको बताए। 'विश्वविद्यालयलाई अस्तव्यस्त छोडेर उपकुलपतिसहित पदाधिकारीको जम्बो टोली विदेश जानु गलत भयो,' उनले नयाँ पत्रिकासँग भने।