- वि.सं २o७९ श्रावण ३० सोमबार
अर्मेनियाको राजधानी येरेभानको एक बजारमा भएको ठूलो विस्फोटमा कम्तीमा छजनाको मृत्यु भएको छ भने १७ जना अझै बेपत्ता रहेको देशको आपतकालीन अवस्था मन्त्रालयले सोमबार जनाएको छ । मन्त्रालयका अनुसार २८ जना अझै अस्पतालमा भर्ना छन् । विस्फोटमा परी कम्तीमा ६० जना घाइते भएको बताइएको छ ।
विस्फोटपछि तीनतले भवन ध्वस्त भएको थियो। ३५० अग्नि नियन्त्रक र उद्धारकर्ताहरू अहिले त्यहाँ उद्धारमा जुटिरहेका छन्। अर्मेनियाका प्रधानमन्त्री निकोल पासिन्यानले सोमबार उद्धार कार्यको निरीक्षणसमेत गरेका छन् । घटनाको कारणबारे अनुसन्धान जारी रहेको बताइएको छ । रासस
